Léacht: Cé as a Dtáinig an Sean-Nós

Léacht bunaithe ar an leabhar/albam Gealach na gCuanta le Doimnic Mac Giolla Bhríde

Tabharfaidh Doimnic Mac Giolla Bhríde, Paddy Glackin agus Úna Ní Fhlannagáin léacht ar bhunús an tsean-nóis agus an ceangail atá aige le traidisiún ársa cláirseoireachta na nGael. Sa léacht taispeánóidh siad gur chan na sean-chláirseoirí agus go dtug siad tionlacan dóibh féin ar an gcláirseach. D'fhorbair an sean-nós as an traidisiún seo, cé gur thit an cláirseach Gaelach ar leath-taobh. Bhailigh Edward Bunting cuid mhaith den eolas seo in 1792 ag Cruinniú na gCláirseoirí i mBéal Feirste agus níl Oireachtas níos foirstinigh ann le seo a phlé!

Tá ticéid d'imeachtaí Oireachtas 2025 ar faíl ar líne ar shuíomh gréasáin an Oireachtais.