I lár an Aonaigh - margadh na Gaeilge

Tar agus tacaigh le gnólachtaí Gaelacha ag an mhargadh speisialta seo agus muid ag déanamh ceiliúradh ar Sheachtain na Gaeilge i mBéal Feirste Cois Cuain, le ceardaíocht lámhdhéanta, ealaín, priontaí, leabhair agus go leor leor eile ar díol. Ó scoth na gceardaithe, na n-ealaíontóirí agus na gcruthaitheoirí, beidh an Ghaeilge go hiomlán i lár an aonaigh anseo - cuirfear fearadh na fáilte romhat, fiú muna bhfuil Gaeilge agat go fóill! Buail isteach agus bí linn agus muid ag ceiliúradh ár dteanga dhúchais i gcroílár Cheathrú Ghaeltachta Bhéal Feirste.