Gearrchúrsa Cruinnis Gaeilge

Is cúrsa creidiúnaithe 12 seachtain é an Gearrchúrsa Cruinnis Gaeilge a dtosaíonn a mí Mheán Fómhair agus a dtiteann amach gach Céadaoin óna 3.30-5.30 i.n. i Spórtlann na hÉireann. Tá an cúrsa seo á éascú mar chuid den Mheitheal Meantóireachta i gcomhar le hOllscoil na Ríona. 

Is gearrchúrsa bunaithe ar B2 den Teastas Eorpach na Gaeilge (TEG) óir tá ábhar agus scrúduithe TEG leibhéalaithe de réir caighdeáin idirnáisiúnta atá in úsáid i gcuid mhór tíortha san Eoraip (Comhchreat Tagartha na hEorpa um Theangacha), agus baintear úsáid astu chomh maith lena léiriú go bhfuil leibhéal gairmiúil Gaeilge bainte amach ag an té a chríochnaíonn an cúrsa go rathúil. Tá siad in úsáid mar shlat tomhais do mhúinteoirí bun- agus meánscoile, d’oibrithe státseirbhíse agus d’oibrithe san earnáil dheonach agus charthanais, sna Gaeltachtaí agus taobh amuigh daofa.

B’ionann pas maith in B2 agus A nó A*ag A-Leibhéal, 6 nó 7 sa Bacalaureate nó thart ar leibhéal an Dioplóma Ollscoile. Ag deireadh B2, bíonn súil leis an méid seo a leanas:

• stór focal maith leathan

• tuigbheáil mhaith ar bhunghnéithe na gramadaí, agus tuigbheáil éigin ar na struchtúir níos casta

• measartha muiníneach maidir le cineálacha éagsúla cumarsáide i dtimpeallachtaí oibre agus sóisialta

• líofacht sa scríobh agus sa léamh forbartha go maith

• níos solúbtha sa teanga agus is féidir réimeanna éagsúla teanga a láimhseáil

Darán Ó Dochartaigh

Is as Doire ó cheart é Darán Ó Dochartaigh ach é ag cur faoi sna cnoic os cionn Bhéal Feirste le fada an lá. Múinteoir déanta é a bhfuil sealanna caite aige ag teagasc i meánscoileanna, in ollscoileanna agus sa tríú hearnáil. Is aistritheoir creidiúnaithe  é a bhí ag obair sa stáitseirbhís ach é anois ina shaoraistritheoir. Bhí sé ar Ollscoil na Banríona dá BA, PGCE agus MA, agus d’fhoghlaim sé bunús a chuid Gaeilge ansin agus i gCumann Chluain Árd ar Bhr na bhFál, áit a bhfuil sé ar an choiste stiúrtha. Lena chois sin, is fear céile, athair triúir níonacha dhátheangacha agus úinéir madaidh é, agus dúil aige sa léitheoireacht, sa challagrafaíocht agus i gcluichí boird traidisiúnta.