Le linn na seachtaine, tháinig deireadh lenár gClár píolótach Tearmann Teolaí – clár suathaireachta leanaí ar fad trí Ghaeilge.
Den chéad uair mar chuid dár dtionscadal Ag Tógáil Clainne le Gaeilge le Fís an Phobail, atá lonnaithe anseo i gceantar Uachtar Chluanaí i mBéal Feirste Thiar, tháinig tuismitheoirí agus a mbabaí le chéile. D'fhoghlaim siad gluaiseachtaí séimhe suathaireachta, chothaigh siad ceangal lena chéile, agus é ar fad as Gaeilge!
Cumhacht na Suathaireachta.
Is i bhfad níos mó ná gluaiseachtaí treoraithe í an tsuathaireacht leanaí. Is teanga inti féin í. Trí theagmháil shéimh, teagmháil súl, agus guthanna séimhe, tógann siad naisc mhúnlaíocha agus doimhníonn siad a gceangal.
Do bhabaí, cothaíonn an tsuathaireacht mothú sábháilteachta, agus grá. Do thuismitheoir, tugann sé sos luachmhar ó ghnóthachtáil an tsaoil laethúil, deis a bheith i láthair go hiomlán lena mbabaí beag.
Tá taighde tar éis a thaispeáint gur féidir le suathaireacht leanaí tacú le codladh an leanaí, míchompord a mhaolú, agus forbairt mhothúchánach a chothú. Taobh amuigh den eolaíocht, tá rud éigin níos simplí agus chomh cumhachtach céanna. Mothaíonn sé go fíor álainn, tógann sé muinín, cruthaíonn sé chuimhneacháin shuaimhneacha a fhanann leis an tuismitheoir agus a bhabaí taobh amuigh de na ranganna iad féin.
Tábhacht leis an nGaeilge
Do theaghlaigh atá ag tógáil a gclainne le Gaeilge, aithníonn muid go bhfuil deacrachtaí ag baint le tacú teanga a fháil. Is annamh a bhíonn seirbhísí laethúla, fiú rud chomh húilíoch le rang tuismitheoireachta, ar fáil i nGaeilge. Ciallaíonn sé seo go minic go gcaithfidh tuismitheoirí a dteanga a athrú ó lá go lá, fiú nuair is í an Ghaeilge teanga an tí.
Le Tearmann Teolaí agus le himeachtaí teaghlaigh eile a sheachadtar i nGaeilge, tá sé mar aidhm againn tacú le tuismitheoirí ar a n-aistear teanga.
Nuair a sheachadtar an clár seo i nGaeilge, ní gá do thuismitheoirí a n-eispéireas a aistriú. Is féidir leo scíth a ligean ina dteanga féin. Is féidir leo stór focail úra a fhoghlaim, mar shampla ainmneacha ar chodanna coirp, treoracha séimhe, frásaí suaimhneacha, agus iad sin a thabhairt isteach ina dtithe agus ina saol laethúil. Do na babaí, tacaíonn sé seo le gnáthú na teanga ón tús nuair a chloiseann siad an Ghaeilge i suíomh sóisialta dearfach.
Ag Tógáil Clainne le Gaeilge, is é sin an aidhm atá againn. Tacú le teaghlaigh a gclann a thógáil le Gaeilge i ngach gné dá saol, ó scéalta codlata go dtí athrú clúidíní, ó am súgartha go dtí am suathaireachta.
Buíochas ó Chroí.
Do na tuismitheoirí agus na babaithe (ár gcéad chéimithe Tearmann Teolaí), a d'fhreastal ar an aistear seo linn, a chuir muinín sa phróiseas, agus a líon ár seisiúin le suaimhneas, spraoi, grá agus le gáire, gabhaim buíochas ó chroí libh.
Tearmann Teolaí – sin é a bhí i gceist againn a chruthú. Agus buíochas díbhse go léir, is é sin go díreach a chruthaigh muid.
Céad Chéimeanna Eile
Mar gheall gur clár píolótach a bhí anseo, d'aontaigh gach tuismitheoir a ghlac páirt ceistneoir a líonadh agus a n-aiseolas a roinnt linn. Úsáidfear a gcuid léargais seo, cad a d'oibrigh, cad a d'fhéadfaí a fheabhsú, cad a mbeadh siad breá sásta a fheiceáil níos mó de, chun tacú leis an gcéad chaibidil eile de Tearmann Teolaí a mhúnlú.
Tá lúcháir orm a rá go mbeidh bloc eile cúig seachtaine den chlár ar siúl againn le linn an tsamhraidh. Coinnígí súil ar na meáin do dhátaí agus eolas clárúcháin.
Ina dhiadh freastal ar an clár críochnóidh sibh le níos mó ná teicnící úra. Fágfaidh sibh le tuiscint níos doimhne ar shuaimhneas, le ceangal níos láidre le bhur mbabaí, agus sibh uilig i measc pobal teaghlaigh, te agus fáilteach.
Tearmann Teolaí – sin é a bhí i gceist againn a chruthú. Agus buíochas díbhse go léir, is é sin go díreach a tháinig sé chun bheith.
I ndiaidh freastal ar an gclár, críochnóidh sibh le níos mó ná teicnící úra. Fágfaidh sibh le tuiscint níos doimhne ar shuaimhneas, le ceangal níos láidre le bhur mbabaí, agus sibh uilig i measc pobail teaghlaigh, te agus fháilteach.
D'aon duine a bhfuil suim acu tuilleadh eolais a fháil faoin gclár Tearmann Teolaí – suathaireacht leanaí, gabh i dteagmháil liom.